Valyuta hərracında satış yenidən 100 milyon dolları keçdi

16 Dekabr 2021-ci il tarixində Mərkəzi Bankda Dövlət Neft Fondunun iştirakı ilə növbəti valyuta hərracı keçirilib.

Marja xəbər verir ki, hərracda tələb 102,8 milyon ABŞ dolları təşkil etmiş və tam təmin edilib.

Hərracda manatın ortaçəkili məzənnəsi 1,7000 səviyyəsində formalaşıb.

Xatırladaq ki, 14 Dekabr 2021-ci il tarixində keçirilmiş valyuta hərracında tələb 80 milyon ABŞ dolları təşkil etmiş və tam təmin edilmişdi.

Həmçinin tələb 16 noyabr 2021-ci il tarixində keçirilmiş növbəti valyuta hərracında 90,1 milyon ABŞ dolları, 18 noyabr 2021-ci il tarixində keçirilmiş hərracda 97,6 milyon ABŞ dolları, 23 noyabrda keçirilmiş hərracda 96,5 milyon ABŞ dolları, 30 noyabrda keçirilmiş hərracda 142,9 milyon ABŞ dolları, 02 Dekabrda keçirilmiş hərracda 100,7 ABŞ dolları, 07 Dekabrda keçirilmiş hərracda 99,9 ABŞ dolları, 09 Dekabrda keçirilmiş hərracda isə 111,3 ABŞ dolları təşkil etmişdir.

2021-ci ilin əvvəlindən bu yana keçirilmiş 93 valyuta hərracında banklara 6 milyard 196,02 milyon dollar satılıb.

Qeyd edək ki, hərracda kommersiya bankları iştirak edə bilər.